Uste izan dut
L.S.-E.
1
Uste izan dut nere gatikan iguzkia zabilala
Uste izan dut anaitasuna mundua bezain zabala
Liste izan dut haurtxo xumea ezin hunki zitakela
Lege xaharrak bazterturikan debruak nahi bezala.
Akabo ama, anaitasuna, umea eta sabela!
2
Nere aitattok erran zerautan: «Gezurra ez duk zilegi
Bide xuxena baño duk eta erditik erabil hadi.»
Gezur banaka eror balite erraileari bi begi
Zenbat itsu, elkorrez kanpo, litakeen hemen gaindi!
Zer lastima, zer izurrite, oi, hori gerta baladi!
3
Uste izan dut erran guziak zirela ebanjelio
Uste izan dut hemen kausitu maitasun ta amodio
Uste izan dut tzar izaiteak deus ez duela balio
Esker on guti «mende berrian», goxotasuna kario
Miner ozpina ixuriz-eta ere suari olio.
4
Dolu, ixtripu eta zorigaitz, purruskaka zoriona,
Uste izan dut ez izaitea bizia denek dutena
Ez nakien hots, zenbat dorpe zen begiratzea omena
Naturalezak zerbitzaturik «beharri luzez» zuzena
Eremaiten dut nere bizia orro, nigarrez maizena.
5
Nigarringarri asko itxuraz «mende berri» dohakabe
Gizon arraza «zure» adoran doa itsu ta debalde
Alta berenaz badu gizonak bihotzian on eskualde
Sinesten bada, amodioa zerendako bada gorde
Itsumenduak argi ditzala Jaungoikoak gure orde.
