|
Maitasuna
L.S.-E
1
Maitasuna zoin behera!
Denetako kantu bera.
Alta, nere arabera,
Maitasunez! itoak gera.
2
Maitasuna! biluz gorri,
Haurko ttipi, sortu berri,
Darga, darga, bularrari,
Biziz gose, ta egarri.
3
Maitasuna! bi gazteņo
Eskuz esku, bide deno,
Begi ornai, bihotz laņo
Ixtant goxo, bada laņo.
4
Maitasuna! puņal zorrotz.
Nork derauka, gutan arrotz?
Bihar! zaurietan bihotz,
Egun zorion delakotz.
5
Maitasunez gaindirekin,
Aita xahu! tenora jin!
Erran nahi eta ezin.
Tinkatu nu! begiekin.
6
Odola harro, kasailan,
Xoxo pollita, xirulan.
Primadera, firrindolan.
Maitasun! gurekilan!
7
Maitasuna! su bazterra!
Garrek milikan, kederra!
Ttirriten kantu, jarjara!
Negur minean primadera!
8
Maitasuna! oi maitasun!
Zerutikako oiharzun!
Bihotz guzien osasun!
Argi bizi! denean ilun!
9
Maitasunaren botere!
Zorritsuak, jaun andere!
Xixta guzietan lore!
Biziaz lotsa, botere!
|
