|
Bi lagun
L.S.
1
Bi lagun nik baditut
Euskal herrietan:
Lehena gozatzen dut
ahal guzietan.
Bigarrena maite dut,
ez ahanztekotan...
Bi lagun nik baditut
Euskal herrietan.
2
Pierra dut herrian:
hau da fagorea!
Elgarretaratzean
hoberik badea
Lagunaren menian
luzaz bizitzea?
Pierra dut herrian:
hau da fagorea!
3
Xanti sortu delakotz
Gipuzkoan behin
Gaizoa dena bihotz
bakan dut nerekin;
Urrungoa ez da hotz
sendimenduekin...
Xanti sortu delakotz
Donostian behin.
4
Noiz ditut juntatuko
bi lagunak betan
Mugarik apalduko
ote da lurretan?
Izpirituz beharko
zaindu biak betan.
Noiz ditut juntatuko
bi lagun batetan?
5
Min du ene bihotzak
kanta egitean.
Zergatik ez gizonak
hegalda airean?
Hauts detzatela mugak
ahal dutenean
Min du ene bihotzak
kanta egitean.
6
Ene orroitzapena
da beti zuenkin
Gutan den hoberena
atxik elgarrekin,
Garrait dezagun griņa
amodioarekin.
Ene orroitzapena
da beti zuenkin.
|
