Ezkondu berrieri
L.A.V.
1
Gazte bati entzuna, orai dut gogoan:
«Nihoiz maitatu gabe bizian nindoan,
Etxeko ta herriko izanik ondoan
Bazterrera utzi tut, maitasun gabean».
2
Maitatzen ez duenak, izanik bizia,
Harek du irrixkatzen laster eihartzia!
Maitasunak baitauku emaiten bizia,
Mundura sortuz geroz, zor da maitatzia!
3
Jaunak egin baigitu zorionerako
Bai ta betiereko atsedenerako
Egun haren nahia guk bete beharko
Salbatzea seurtatzekotz egun ta biarko.
4
Amodiotan sar daike edonorekilan
Norbaitekilan edo Jainkoarekilan.
Dena den bearrena dago maitatzean
Jaunak bere har gaitzan biziz aldatzian!
5
Espos biak gaztiak elgarretaratzen,
Zorion haundirekin-nik ditut ikusten.
Jainkoaren graziak nasaiki jaus diten
Guzien izenian deraikot galdatzen.
6
Espos gazte maiteak, joanen zarezte,
Luza gabe Kalifornin, izain baitzirezte
Haurride, adixkide, herritar ta beste,
Den denak utzirikan, urrunduren zizte.
7
Ezin bizia zaiku herri untan sartu
Dozenako familiak, etxeko, bat aski du
Bertze guziek bear etxetik urrundu
Herrialdeko lana baitzaiku bakandu.
8
Etxe ta erriaren uztea da neke
Elgartean delarik maitasun ta bake.
Zuen berriz ikustea, zinez nahi nuke,
Zuen bien beharra herriak bailuke.