Gure lurraldetan agertu dira lorek

Aldave, Joaquin

 Uda-Berri loratua

 laxter degu emen.

 Uzten ditu Neguak

 petralkerik katen.

 Berriz jayotza dator;

 bereala da gañen.

 On ona izan dedilla.

 Arren ta arren. ¡Amen!

 Sasoi obiagorik

 ez da iñoiz sortzen.

 Bera da noski -diyot-

 alai, bikaiñ, garden.

 Zakon biyotz barruan

 zaigu guri sartzen.

 Saya gaitian zintzo

 egundaño ez galtzen.

 Negu ta Uda-Berriya,

 aben biyon tarten,

 ez ta bai asko dira

 tamalez geyenen.

 Baten, Negua gogor

 berandu mintzatzen.

 Besten, Uda Berriya

 goizxamar azaltzen.

 Ta... ¡ze ondoren miñak

 ekartzen-dituzten!

 Uda-Berriya indarrez

 dago iya lertzen.

 Neguak berriz setaz

 ez da oñik kentzen.

 Jayotzen dira lorek...

 ¡laxter ditu illtzen!

 Negua zan bitarten

 lañok zeuden gallen.

 Poli poliki bañan

 dijuaz noizbait alden.

 Odei gizen ta illunak

 dira denak eten.

 Uda Berri ederra

 agertzen da aten.

 Lotan bazegon ere

 denbor talda luzen,

 ¡ene! jeikitzen zaigu

 Jesus pixtu antzen.

 Asiko da bat-baten

 zoragarri jantzten.

 Betor Uda-Berriya,

 betor ordu onen.

 Lore potok guztiyak

 asi dira lertzen,

 ta eguzki argi biziyaz

 zaizkigu asetzen.

 -Txorik nun nai dabiltza

 zoriona kantatzen.

 Baso zugaitzak dagoz

 ostuaz ornitzen.

 Uda-Berrin langillek

 ari dira lanen,

 lorez lore erliak

 eztiya prestatzen

 izan dezagun gero

 Neguan gozamen.

 Uda-Berriya dator

 pizkor bere biden.