Ez daukute erakatsi
L.A.V.
1
Ikasi dugu girixtino urratsen betetzen,
erran nai dut eliz-urratsen betetzen.
Ikasi dugu igande oroz, gure eliz
ttipiaren betetzen, denek batean
otoitz egiten kantu egiten...
2
Ikasi dugu kofesatzen, komuniatzen...
Ikasi dugu apezoren aintzinean
ederki mintzatzen...
3
Horiek denak ikasi ditugu,
bereri doakioten tenoretan egiteko.
Tenore horietaz kanpo oso guhaur gelditzen gira.
ez baitaukute erakutsi
elizako aferetaz kanpo kristauki bizitzen;
4
Elizan otoitz ta kantu egiteko elgarretaratzen
erakutsi daukuten bezala, ez baitukute
erakutsi herriko lanentzat elgarretaratzen,
elgarrekin herriarentzat lan egiten.
5
Ez daukute erakutsi gure herriaren geroaz
eta herriaren alde lan egiten, gure geroko
Zeruaz griņatzen ta lan egiten erakutsi
daukuten bezala.
6
Ez dauzkute erakutsi gure herriari zor
diozkagun eginbideak, eliza katolikoari
erromanoari zor diozkagunak erakutsi dauzkuten
bezala.
7
Erakutsi daukute gogoz zamaritar on izaiten
han nunbait, urrun, oinazek eta ezin biziak
jotzen zituztenentzat, bainan ez daukute
erakutsi gure herrian oinazek eta ezin
biziak jotzen dituenen laguntzen.
Ez daukute erakutsi...
eta ez dugu Ikasi...
