Bigarren alaba
L., J.-B.
1
Aspaldi huntan aro txarra ta bihotza jartzen da trixte;
Egun goibelak izaten dira berdin batto edo beste
Gure etxian zorionian halako baita suerte
Alabatxo bat sortu berria, ta jadanik denek maite.
2
Bigarren nexka etorri dauku semea nahi nuena
Agian horrek eginen ahal daut semearen ordaina
Balin badu-re horrek izana bersulariko dohaina
Ariko gira batek kantu-ta bertziak eginez lana.
3
Gure etxian kontentu daude ama bai-eta amatxi
Horren aiduru ginauden oro jin aitzin naia ikusi
Aingeru hori iduri kasik zerutik zaukula jautsi
Orai eskualdun gisan haur hori girixtinoki nai hazi.
4
Gu zorionez igeri gaude loriazko mementoan
Orai egunak ta berdin gauak beti gurea gogoan
Geroko esperantza guzia emanik horren ondoan
Bertsu hauk kantatzen ditut orai bera harturik besoan.
5
Alabatxo hunentzat dut orai emaiten ene azkena
Hori sortzean otoitzño hauxe bainuen nihauk egina
Bataiatzean bere izena eman diogu Kriztina
Zeruko amak beira dezala bere iduriko Birjina.