Gora ta gora, Irun, zure jai nagusiyetan
Aldave, Joaquin
Banator berriz Irungo jayak
al dan neurrin airatzera,
ta noiz idazle kaxkarra izan
alare nuan jartzera.
Eziñ ixilldu agertu gabe
erri t'arrotzen aurrera.
Eman dezagun jayari, bada,
al degun on dan arrera.
Usaitua daukat t'ematen diot
bikaiñ diraden tankera.
Aurrena begik ikusi dute
Program'ederra eskuetan.
Ikusgarriyak ekartzen ditu
apaña diran orriyetan.
Irakur gaya mamiz betiak
letzeko ordu galduetan.
Ez dauka orri bai bakarrik ere
jarririk an alperrikan.
Libru eder bai dala Programa
esan liteke egiyetan.
Garagarrillari azken muturra
bidez datorkiyonian,
jakiña dago: Irun jartzen da
alegre, umore onian.
Oratuko da bizpairu egunez
ezti gozo zorionian.
Jarriko ditu apaiñ indarrez
lorek balkoi ta kalian.
Ez dira ugari faltako, noski,
San Pedro aundi aldarian.
Usario ederrak betetzen dira
fedez eliz barrunian,
bere Burua, San Pedro aundiya
goragarri egunian.
Kaleko fiestak ditugu gero
egun oso ta gabian.
Iñor ez dabill-ondo dakit ta
iñunen gaitz ta kaltian.
Anaitasuna agertzen zaigu
Irungo gende elkartian.
Berritzen dira urtero-urtero
zimeldu gabe egundaño.
Oitura garbi, zuzen bidiak
irauten dute oraindaño.
Asmo onakiñ ibilli ezkero
dijuaz zuzen zeruraño.
Zerutik bera jexten da gero
onespena lurreraño.
Zabalduko da zorion osua
Irun maite erriraño.
Garagarrillen azken eguna,
San Pedro egun biyamuna,
Marzial Obispu aundiyen jaya
etortzen da guregana.
Egun onetan goizetik arrats
izango da zoriona.
Erligio egiñtzak beteko dute
beren artu ta emana.
Ongi jartzia gorputz t'animez
izango zaigu onena.
Urrun zaudeten Irundar guztik,
¿nun daukazute gogua ?
¡Egun abetan modu berexiñ
maite dezute txokua!
Emengo berrik ongi jakiten
jartzen dezute modua.
Begiyak erne, biyotzak bero
letzen zuen BIDASUA,
ta gero denak-uste detenez-
al dan ona otordua.
Badira egitan beste maitale
-ta ez noski otzarenak-
"gero arte" esan ta alde egiña
eta zorion diradenak.
Ayek ditugu bitartekotzan
gure lagun maitienak.
Ayek ditugu-berriz esan ta-
gure ongiegillienak.
Ayentzat bitez oraiñ ta beti
gure otoitz sutsuenak.