inprimatu
Aurtengo estropadari
Izenburua:
Aurtengo estropadari
Sinadura:
Lujanbio Retegi, Jose Manuel (Txirrita)
Urkizaren iruzkina:
Egilea(k):
Lujanbio, Jose Manuel

Argitalpena:
Bertsolaria.
Urtea:
1932
Argitalpenaren urtea:
1
Alea:
54.zk.
Orrialdea:
330

 

 

 

 

faksimilea ikusteko


Aurtengo estropadari

 

Txirrita

 

 1

 

 Milla beatzireun irurogeita

 amabigarren urtian,

 estropada bat izandu degu

 Donostiyako partian,

 irabaztunak mesede zuten

 galtzallientzat kaltian,

 ausuntu ortaz oroituko naiz

 bizirik naizen artian.

 

 2

 

 Nere lagun bat inguratu zait

 gizon prestuaren gisa

 denbora pasa dibertitzeko

 kantak jarri albanitza.

 triste daudenak konsolatzeko

 pensamentuan dabiltza,

 aren gustua egitiatik

 bayetz eman diyot itza.

 

 3

 

 Agur Pasaiko Sanpedrotarrak

 gora Manuel Arrilla,

 aita ta seme eta illoba

 osatzen dira kuadrilla,

 indar aundiko arraunlariyak,

 patroya ere abilla,

 Donostiyara lasai juan ziran

 diru ta bandera billa.

 

 4

 

 Orain sei bandera errenkaran

 eta len bi ekarriyak,

 Sanjuandarrakin soziyokua

 an du Miserikordiyak,

 beste txiki bat Tolosatika

 ongi arturik neurriyak,

 orrekiñ ere onra ederra

 dauka Pasaiko erriyak.

 

 5

 

 Lenbizikuan bere lanari

 emandiyote segira,

 jendia pozez egondua da

 aldamenetik begira,

 gero txalupak trukatu eta

 mansotu zaye mugira,

 dirua pranko galdutakuak

 azkenekuan badira.

 

 6

 

 Ondarrabiyak Pasayari ta

 Donostikuak elkarri

 lauak txalupak trukatu eta

 korajez ziraden jarri,

 asteko seña egin zanian

 mugitu ziraden sarri,

 irugarren zan San Pedro baña

 bandera berak ekarri.

 

 7

 

 Biraje onian Donostiarrak

 etorri ziran aurrena,

 Ondarrabiya bigarren eta

 San Pedro irugarrena,

 nola oyentzat tokatu baizan

 txaluparikan txarrena,

 uste zan baño nekexiago

 sartu ziraden barrena.

 

 8

 

 Pasai San Pedro egun orretan

 gertatuko kasua

 pixka batian etzait aztuko

 ementxen daukat jasua,

 ¡Biba Manuel esanaz dantzan

 larogei urteko atzua!

 gazte denboran etzan izango

 fandangolari mantzua,

 

 9

 

 Lendabiziko lau txalupetan

 etzagon jende narratza,

 bi bizkaitarrak egin digute

 oso joera garratza,

 biyan batian balizan buelta

 arraun kolpia zorrotza

 lendabiziko zein etorri zan

 etzan juzgatzen erreza.

 

 10

 

 Aginaga ta Zumayak ere

 egindute alegiña

 ziran indarrak enpeñatuaz

 on da apustu fiña,

 guziyak ezin iritxi degu

 altueneko tamaña,

 atzetik neurtzen errezago da

 aurretik etortzen baña.

 


inprimatu