Bixtu da Kristo

Aldave, Joaquin

 Uda Berriyan

 lorez jantzita

 argitu digu Bazkuak.

 "Bixtu da Kristo

 illen artetik"

 erran digu Aingeruak.

 ¡Au poza Elizan

 kristau artian

 alleluyaren kantuak,

 Berriz bixtuta

 Uda Berriyan

 zuriz apañ gereziyak.

 Lore guztiya

 sasitaraño

 zaizkigu zoragarriyak.

 Zuazte neguko

 izotz ta arma

 egitan bildurgarriyak.

 Bixtu da Kristo

 garaille aundiya

 bere birtute ta indarrez.

 Bere gan zeuzkan

 neurririk gabe

 Jaungoiko indartsua danez.

 Gurtu dezagun

 Misterio aundiya

 gure biyotz t'adimenez.

 Kristo Nagusi,

 Kristo Errege,

 umill gaitezen apalez.

 Bera gaitian

 egon bagera

 arraokerin aundi ustez.

 Guazen, kristabak,

 argira guazen

 egon gaberik bildurrez.

 Guregatikan

 bixtu da Jesus,

 gu danok bixtia gatik.

 Egunen baten

 altxako gera

 bizirik ainbat lurpetik.

 ¡Zenbat gizona

 jeikiko diran

 itxaso sakon barrundik!

 A zer atsegiñ

 ernatze ura,

 Jaungoikuen maitatzalle.

 Egiñ zinitun

 erruki egiñtzak

 ontasuna zabaltzalle.

 Goratu zendun

 Jaunen izena;

 zendun maite t'oso maite.

 Ta jai egunak

 gorde zinitun

 iñola zikindu gabe.

 Etzendun izan

 zure biyotzian

 lapur ontasunen gose.

 Nere Aitaren

 bedeinkatua,

 jarri zaite eskubi alde.

 Bazko eguna

 ondra dezagun

 gure sinismenarekíñ.

 Garbi gaitzala

 Bildotx Santuak

 bere Odol garbiyakiñ,

 gero zeruan

 izan gaitezen

 danok zorion elkarrekiñ.