Bera'tar Iņazio Larramendiri, agur maitekor bat
Aldave, Joaquin
Basurko Irungo olerkariyak
bertso polita batzuetan
jartzen du Iņazio Larramendi'tar
goratuta zeruetan.
Diyot nik arrazoya badula;
dabill oso egiyetan.
Ori ta geigo merezi digu
Bera'tar onek benetan
izan dalako agitz zintzua
bere gauza guztiyetan.
Larramendi'tar Iņazio jauna,
gizon ospetsua zu zera.
Joya ta bizi zeran erriyak
izen ederra du Bera.
Kristau jatorra ezautu zaitut
ta ez makala ta bera.
Aintziņetikan elkar lagunak
gu biyok izanak gero.
Egiya data jende guztiyak
dakite noski sobera.
ĄZenbat urtetan aritu zeran
Berako elizen koruan
Jaunari kanta goxok abesten
Seraphiņ baten moduan!
Zuk oiņ ederki egiņdakua
daukat betiko goguan.
Sari bikaņa artuko dezu
bere garaya orduan
mundua utzi ta sartzerakuan
irauzitako zeruan.
Gizon bromosua iņun bazegon,
testok zekizkiņ ugari;
ixtori zarra ta ixtori berri
eragiņazteko irri.
Amaika, alditan jarzen giņuzen
lertzeko zoriz ta larri.
Nastuko zitun agitz poliki
elkarren arten zar berri.
Urari ura ta ardori ardo,
bildur gabe egiyari.
Parnase mendin egona zera
olerki eskola ikasten.
Olinpon ere ikasi zendun
ezti zumua edaten.
Trebia zera ta oso azkarra
itzak poliki neurtutzen;
pitxi berexi, zoragarriyak
errax ta beila ikusten.
Biyotz biyotzez, adixkidia,
zaitut estu besarkatzen.
Lenera nua, Iņazio lagun;
guazen eleizko korura,
Zure abestik iyotzen ziran
Jaun aundiyaren Tronura.
Santu guztiyak arkitzen diran
zorion beteko lekura.
Oraindik ere nere belarrik
alako boza doņura
jarriyak daude ta atsegiņ zaizkit
Zu ziņan, Ąbay!, Aingeru ura.
