Iturri gogoratuz
Lopategi, J.
1)
Nire etxetik berantz jatsi ta
errekatxu bat igaroz,
beste aldeko malda igonik
Iturrin etxean gagoz.
Amaika bider eindako jira
umore onaren gogoz,
nayago nuke gaur ere gauzak
len bezin alai balegoz.
2) 1
Jai egunetan, beiak zainduaz,
errekatxuan biderdi
alde banatan tente jarrita
bere ur garbien guardi,
ibai ertzetik ibai ertzera,
eutsok au, eldu orreri,
pulamentuen truke bagendun
naiko kopla ta komeri.
3)
Urte aietan zeukan Iturrik
bere «vespa» famatua,
nikin ez bazan nesken batekin,
beti bikin zamatua.
Aren gañean pasiatu zan
bikote ain armatua,
Txorierri ta itxasaldean
geyenbat estimatua.
4)
Gaur ere sarri sentitzen naiz ni
lengo ur aien egarri,
baña joanak joan ziran da
Donostiakoa barri.
Omenaldi bat ein gura dautse
adiskide maite arri...
Eskerrikasko Gipuzkoarrak,
an izango nok, Iturri.