Itsasora ni sarri ekin nuen gira
Lopategi, Jon
1
Itsasora ni sarri ekin nuen gira
Begira zer dudan gaur saritzat segida
Neure ezin honetan hau da ikusmira
Begiratu nahian itsaso argira
Lehiotik olatuei jarri naiz begira
Otsak entzuten ditut bainan urruti dira.
2
Lehenago beti arrantzan gogoz egun ta gau
Hortan zaindu nituen zenbat euskal arau
Eta zaletasunak oraindik badirau
Baiua errelitatez gixaxo honek badau
Orain aditutzean olatuen ots hau
Burutik oinetara dardaran jartzen nau.
3
Ezagutu nituen hainbat itsas-bazter
Denen buru bezala eskuin eta ezker
Orai nauke bainan ez nezake ezer
Zaletasunez ezin hil artean asper
Nire hilletatara bazentozte laster
Errezatu Beltzari hiru Pater Noster.