Deabrua

Lopategi

 Urtzi altsua zegoalarik

 ortzietan dizdizari,

 orra odei bat baltzaren baltzez

 argiaren estalgarri.

 Arro -aizeak astin-aldian

 eldutso Luziper'eri;

 bere abotsak sua dario,

 garmenditarra dirudi.

 Uneda baten ke izurritsuak

 dana estali biarrian,

 ekaitz aurrian zabaldu oi dan

 laiño baltza zirudian.

 Ekaitza laister agertu bere

 Mikel deunaren otsian,

 tximist zorrotza aukeraturik,

 Urtzi nagusi! irrintzian.

 Oiñaztarriak astindutako

 zugatz bateren antzera,

 Luziper eta bere adarrak

 etozan ortzetik bera.

 Agur zugatzan aunditasuna,

 edertasun eta lora,

 geroztik eta beti-betiko

 su txingar izango dira.

 Alegin danak dagizuz orain

 zeure sua geituteko;

 urtzi-gorrotoz gizaki danak

 nai zendukez zeuretzako.

 Baiña alan be zure adarrak

 eleuke a estaliko,

 Egillearen aiña iñoiz be

 egiña izan eztalako.