|
Hizkuntza unibertsitatean
Lopategi, Haritz
1
Euskal estudianteak
hau dugu gakoa
euskaraz ikastea
da gure botoa
unibertsitatea
ĞEuskal Herrikoağ
baina izena soilik
ez dugu nahikoa
2
Aldatu beharrean
gaude hau zeharo
bide honi jarraituz
gureak akabo
euskera kalean be
sendo ez badago
unibertsitatean
oraindik txarrago
3
Gure amets guztiak
hor dihoaz hegaz
euskaraz ikastea
ez daukagu erraz
ezin konforme egon
dagoen aukeraz
ehuneko hogeia edo
bakarrik euskeraz
4
Euskalzaleentzako
pixka bat errena
unibertsitatean
hau da dagoena
gehiago eskatzea
da orain hurrena
ikasle denok egin
behar genukeena
5
Sarri bota gaituzte
denok pikutara
baina gure hizkuntza
ezin dugu laga
ikasketa denetan
nahi dugu euskara
ikasle euskaldunon
eskubidea da
6
Beraz denok egingo
bagenu burruka
arazoa gelditu
leike konponduta
euskaldun ikasleek
denok bat hartuta
euskarazko bideetan
matrikulatuta
|
