Baserritarrei
Lizaso, Kosme
-1-
Sei edo zortzi bertso jartzeko
esan didate mesedez
eta nik berriz ez nekin nola
esan nezaiokean: ez
nekazaritaz asko oroitzen
dan gizon bati ez errez
ta esan zidan baserritarrak
jarritzeko irriparrez.
-2-
Ai Gipuzkoar, Bizkai, Nafarro
eta Arabar maiteak
ez du balio zerbait jakinda
ixilikan egoteak
Gu izan gera asko eginda
poltsikutik arloteak
ba omen datoz orain artean
ez bezalako urteak
-3-
Orain arteko irabaziak
izan ditugu apurrak
orregatikan gure patrikak
egongo dira zimurrak
ta orain berriz entzun ditugu
berebiziko zuzmurrak
errenta ona emango dula
erabiltzen dugun lurrak.
-4-
Nik au jartzea zenbaitentzako
irudiko da aundiro
baiņa pentsatzen jarri zaitezte
lagun maiteak astiro
zenbaitek gogoz eman dizkio
baserriari lau tiro
baiņa lurrari eldu bearra
ementxe dugu berriro.
-5-
Len dagoena berritu edo
elkarte batzuk egiņik
ez da izango baserrietan
len ainbat bizi eziņik
ez da faltako egiten dugun
laborearen ordaiņik
gosea dator, danok irentsi
bear gaitula gordiņik.
-6-
Bizkaiak ditu lurralde onak
Nafarrok bikain askoak
Arabak ere ordeka aundiak
gutxiago Gipuzkoak
izan gaitezen burutsu eta
lanerako tajuzkoak
bazetorkiguk garaia eta
esnatu maiorazkoak.
-7-
Ez dut esango nekazaritza
aberastasun danikan
baiņa bestetan ez da izaten
olako aize onikan
aurtxoak ere obeto dira
kirats txarrik gaberikan
bizimodua izan ezkero
ez da orrelakorikan.
-8-
Baserritarra bizi liteke
oso txukun eta apain
gosetearen erremeioa
etorriko da gure gain
gu lanerako beti prest gaude
leen bezelaxe orain
opa bazaigu giza itxuran
geurok bizitutzeko lain.
