Basa ahateak
Lekukoa
1
Elhurra egin dauku mendien kaskoan
Negu-marka churia gure lur-chokoan;
Ihiztari guziak, arma bizkarrean,
Nun zer hilen daukuten dabiltza kanpoan.
2
Hetan ezagutzen dut esneketari bat;
Gizon erne, abila, zarmanta orobat
Esnea utz lezake bost debruetarat,
Ihizin kurritzeko bas-ahatetarat...
3
Hain chuchen ibili da ur-hegiz ur-hegi,
Botak lohian gaindi, luzatuz bi begi:
Zerzela bat agertu, bainan urrunegi;
Hats-hanturik eman da chori horren segi.
4
Bichtatik galdu-eta, etsitzera zoan;
Bainan zerdu ikusten hantchet urrunean!
Hiru basa-ahate, hiruak multzoan
Banba, hiruak hil tu ukaldi batean!
5
- Hau duk afari-geia; eza Kose-Mari?
- Ba, bainan kasu, othoi, ahaten kastari!
Ustez basak zirela, Jaun Esneketari!
Tiro egin deiezu etche-ahateri!
6
Basa-fama izpi bat badauka Bidarrik.
Ez sinets behin-ere etsaien gezurrik.
Ahatetan beretan, jakizu nitarik,
Badela herri huntan basetaz besterik.