Afrikanoaren leloa

Lehengoa

 1

 Iguzki saminaren erresuman,

 Airea chuko, lurra kiskaildurik...

 Erhauts ithogarri batek harturik,

 Behar duguia azken hatsa eman?

 2

 Nun dira Pirenetako mendichka

 Bizkar ferde, artaldez betheak? 

 Nun dira pentzen erdian bakarka

 Dagotzin etche eskualdun maiteak?

 3

 Zerua hemen argi eta su da:

 Ederrra dela nork uka dezake?

 Hantchet, aldiz, dena hedoi, dena khe;

 Pariseko zeruari ez beha!

 4

 Oi Eskual-herriko zeru eztiak

 Zoin polliki distiratzen duen!

 Ez derauzkigu, ez, harek begiak

 Neholaz erreko, ez goibelduren!

 5

 Leihor idorrek bihotzak idortzen:

 Odol irakinak herra hazten du...

 Beltz-churiek, krichtau, pagano, judu,

 Moroek hain guti elgar maitatzen.

 6

 Nun dugu Sort-herriko gocho hura?

 Mintzaire chahar, ohidura chahar,

 Sineste chahar horiek, nun dira?

 Ez dituguia berriz miretsi behar?

 7

 Afrikan gauden Eskualdun guziak,

 Bil gaiten karstuki elgarretara!

 kanta dezagun, gauden alegera!

 Lur hunek, ez gaitu arrunt heziak.

 8

 Ez eta sekulan ere heziko!...

 Ezen, itsasua ur-hustu artean,

 Ez dugu aiten odola salduko.

 Ez bizian, ez arabez hiltzean!