Sort-herria gogoan
Laxague, Beņat
1
Besta buru batzutan bainaiz ni kantari
Ideiak onak ditut bainan nekez ari
Aire pollit bateau agur munduari
Galdeiten dut grazia zeruko Jaunari.
2
Juntatzen girenean xahar eta gazte
Sala baten barnean gizon et'emazte
Kantuen ikasteko behar zonbait aste
Arribatuko ginen ez bainuen uste.
3
Gorputza xuxen eta buruan boneta
Segitu dut nik untsa kantatzeko nota
Bihotza alegera amodioz kanta
Moldatu baiginuen kantu bat xarmanta.
4
Eguberriko mezan baitugu kantatzen
Jendea heldu baita eliza betetzen
Igande xinplenetan ez zauku gertatzen
Borta sur jalgietan nehor ez kokatzen.
5
Jende frango dabila oraiko bidetan
Partituak han nunbait, guti elizetan
Har dezagun denbora bederen artetan
Otoitz bat egiteko Jaunaren oinetan.
6
Mundu zabal guzian jendeak bizitzen
Egun oroz baitira haur ttipiak sortzen
Jadanik ainitz urte, sortu naiz Buztintzen
Sort-leku maiteari ardura orhoitzen.
7
Handitu nintzelarik, hamar bat urtetan
Jatsurat juaiten nintzen artzeko pilotan
Zonbait aldiz segurik lekua'egin ukan
Handi batzuk erranik "allez foutez le camp".
8
Orhoitzen naizelarik ttipiko urratsez
Nola ahantz dezaket Jatsuko San Frantses
Ikusteko zeruan biek egun batez
Galdegin dut grazia nik zure bitartez.
9
Eztut behar ahantzi hor gazte lagunak
Bakar batzu badina Jaunak eremanak
Segitu badituzte Jaunaren erranak
Dohatsu baitirade heikien arimak.
10
Bertze ainitz baitira bizitzen Garazin
Gazte ziren oraino ni partitu aintzin
Familiatu ziren nik bainuen jakin
Nere pentsamenduak ardura heiekin.
11
Ohartu gabe baitzaut pasatu eguna
Garde da iguzkia, fitexko iluna
Ez dut behar ahantzi jateko orena
Kattalin beha dago, ner'espos laguna.
12
Bertsu hauk egiteko bainuen buruan
Lan arte gehixago badela neguan
Elur eta ixtila delarik kanpoan
Airoski kantatzeko supazter xokoan.