Seiņuliako kurutzea
Laxague, Beņat
1
Garaziko lurretan Jatsuko herria
Ohoretan badauka mendi Seiņulia
Kurutze bat badute xutik ezarria
Kabalek makurturik baitzen eroria
Molde azkar batean ezarri berria.
2
Rogazione egunak urtean bietan
Prosazione eder bat heidu bi lerrotan
Kurutze aintzinean kantuz bi botzetan
Galdegiten laguntzak gure otoitzetan
Herria beiratzeko erauntsi gaixtotan.
3
Laborari gizona ardura kanpoan
Pentze-ta alorretan ari da laneau
Mahasti jorratzean akitu denean
Artetan pausatzeko nonbeit behatzean
Kurutze bat ikusten Seiņuli gainean.
4
Zonbat gazte herritik direnak partitu
Amerika alderat baitira airatu
Desertu eremutan ardiak segitu
Egun penatuetan Seinuli orhoitu
Sort-leku amodioak parerik ez baitu.
5
Jalgitzen direlarik otean liliak
Hor dituzu kantari mendiko xoriak
Egunean alatzen artzainen ardiak
Gauaren ilun pean basa ihiziak
Kurutzeari hurbil pasatzen guziak.
6
Obraren egiteko arizan direnak
Herrik'ofiziale, langile, harginak
Merexi ditutzue denen goresmenak
Emazte, gizon eta haurrekilan denak
Ongi saristatuko zeruko Jaun onak.
