Axeria eta oiloa
Laxague, Beņat
Axeria
Agur eta ohore andere oilua
Heldu naiz erraitera zer den gertatua
Bidean atxemanik gustuko fruitua
Sasi baten azpian ongi bazkaldua
Janaritzat bainuen zure oilaskoa.
Oiloa
Axed mutur luze, ohoin famatua
Ideia faltsuekin urguluz hantua
Emanen dut zuretzat hesian zepua
Ederki tronpaturik zirela hartua
Merkatuan eginen larruaz tratua.
Axeria
Mirailgarri ederra axerik duena
Moda berri lehenik pentsatu dutena
Zepoan banu noizbait hura atxemana
Ikusiren dituzu buru-ta buztana
Emazte pollit baten lepoan emana.
Oiloa
Zonbat den xarmegarri jenden begietan
Oiloņoaren lumak mazte xapeletan
Harat hunat dabiltza hiri karriketan
Bat bertzeari mintzo erranez artetan
Oi zer luma pollitak oilo hegaletan!
Axeria
Primaderan baitzira ardura koloka
Jinen naiz ikusterat nolazbait gordeka
Koloka den oiloa, ez baita kilika
Lekaina haginekin eginen pereka
Arroltzeak jateko dotzenan hameka.
Oiloa
Begirale leiala badut enetako
Oilategi atean xakurra Xuriko
Haren oihu saminak zaitu izituko
Etorriko oilarra xuri oldartzeko
Paxeta baten puntan inen "kokoriko".
Axeria
Bidaia luze huntaz bainaiz akitua
Mendian pausatzeko oraixe banoa
Ohantzean baitago nere umeņoa
Amak emanen dako haragi sanoa
Oilaskua ez bada saga nimiņoa.
Oiloa
Egia balm bada zure akidura
Partituko girade zoin bere lekura
Gaxuxak kantatzean: zato "purra-purra"
Artoaren jateko joanen naiz etxera
Oilarra buruzagi eginen bilkura