Echekoandria ta neskacha
Latierro, Luis
-¿Zer ordu ote dira
nescacha Mariya?
-Salako erlojuban
amabiyak iya.
-¡Jesús! zuazkit ashkar
ardo-ogi billa,
sopa egozten jarri
laishter eiñ dedilla;
ez astu onantzian
sagardo berriya
gozo gaza artatik
gañera loriya,
jator izan dezula
kolore garriya.
¿Sopa jarri aldezu?...
¡ori memoriya!
Sabiltza ashkar-ashkar
ekartzu ogiya;
ez dakit nola dagon
gure bazkariya.
...............
Amabiyak ai dira,
gure Jesus ona,
oraindik egozteko
dauka baburruna.
¡Ea! ibilli ashkar,
chikitu ogiya
egozten jarri sopa
¡ai, au komeriya!
eskalletan zentidet
gure nagusiya.
-¿Zer pasatzen da, Juana?
oraindikan maya
jazteko arkitzenda
¿au alda garaya?...
-Berialashe or naiz
zu, gizon alaya,
ez bada asarretu
nere ardugaya,
oraiñ biar bezela
jantziko det maya
soseguz jandesagun
gure bazkariya.
...............
Orrach, ishiri emen,
etorri onera,
bada za gabetanik
eziñ naiz iñola,
badakizu Luishito
naiz zure señora,
zer esan nai dirazun
oraiñ da denbora.
Emakumia, ekatzu
aguro bazkaitan
aspertuba naukazu
orrela izketan,
ez bazera kantari
ai zera erriyetan;
¿zer milla demoniyo
beti berriketan?
¡Jesus bada, gizona,
ori da mingaña!
len etziñan orrela.
¿Oraiñ? ¡Ala... ja... ña!...
Sopa mayian dago
¡ea! jaten asi
bañan erresocho bat
Luis lendabizi,
asi nai dezunian,
chapela erantzi,
atoz onuts Mariya
zuk ere ikasi...
................
Oraiñ oroitutzen naiz
neskacha Mariya,
¿ez altzenekizun gaur
zala bijiliya?...
-Jauna, ¿zer egia degun?...
da negar garriya,
alper alperrik, orrach
egiñ bazkariya,
nere porru ederra
eta perrejilla,
gañera laurdencho bat
neukan aragiya
garbantzurik onena
laurden bat larriya,
dena cherriyentzako,
ai, au pikardiya.
.................
-Asko dakizu, Juana;
zure pikardiya
esagutuba daukat,
orra ezan egiya;
lastua ez da izan
zekuletan iya
ez dizut ez emango
nere bazkariya.
|