Estaing jaun kontearen laudorioak
Larregi, J. Bernard
1
Gure solasak beitez d'Estaing jaun kondeaz
Eskadren aintzindari parerik gabeaz;
Erresuma guzian bedi aipatua,
Ez bedi gutienik gutaz laudatua.
2
Zuk gerla-gizonetan, oh! d'Estaing noblea,
Daramazu, segur da, zuzenki lorea;
Etorkiz zare jausten puruenetarik,
Frantzian diren etxe zaharrenetarik.
3
Maiz zure arbasoak dire seinalatu,
Frantziako koroa cute sustengatu.
Zonbat ere odolak baitzaitu goratzen,
Zure bihotzak zaitu hobeki bistatzen.
4
Beharrik zaituela Luisek hautatu,
Aintzindaritasunaz, Jauna, fagoratu.
Zer ez du irabazi zutaz kondatzeaz,
Bere intres miņenak zuri fidatzeaz!
5
Zenbat untzi angeles duzun eskuratu,
Eman tiroka, sutan ere ondoratu!
Kar handirekin zare urez gudukatzen,
Frantses bandera duzu ohorez betetzen.
6
Itsasoan bezala zare leihorrean
Supean seinalatzen, premia denean:
Guzietan guzia zare guzizkoa.
7
Oi! nun kausi bertze bat zu bezalakoa?
Gure bazter urrunak tutzu indarztatu,
Etsai-eskuetarik ongi begiratu;
Ez da hortan guzia: konkesta berriak
Egin izan ditutzu, progotxugarriak.
8
Granada duzu hartu gabaren minean,
Zeroni zinelarik tropen aintzinean;
Zu behar ahal zinen hola agertzeko,
Hanbat alimurekin hartaz jabetzeko!
9
Ez uzteko Granada Frantsesei hartzerat,
Biron da lehiatu haren laguntzerat.
Angeles suhar huni zer zaio gertatu?
Bereak harturik da ihes abiatu.
10
Bironek eman dio usain granadari;
Ausikirik oz dio eman frutu horri...
Karetsegia zaio naski iduritu,
Nola eztia baitu d'Estaingek aurkitu!
11
Angelesak ditutzu ikaran sartuak
Ikusteaz Frantsesak hortaz nausituak,
Itsasoko errege zioten zirela,
Egun ikas bezate mintzatzen bertzela.
12
Gerlate huntaz dire minki orhoituko,
Bere irla maiteak dituzte galduko!
Angeleterraz beraz oz dut ihardesten,
Frantsesak, Espaņolak, han badire jausten!
13
O d'Estaing, erresuma izan da tristatu
Entzunik zintuztela bi tiroz kolpatu.
Oral zu sendatzeak gaitu kontsolatzen:
Fagore huntaz dugu zerua laudatzen.
14
Zure beharra badu oraino Frantziak,
Ni gisa mintzo dire Frantses on guziak.
De Profundis-en ordo gure elizetan,
Te Deum da erranen leku guzietan!
15
Nazione superra; etsai mutiria,
Ez duk ez zeren kanta aurten bitoria!
Frantziako erregek hau eskolatuko,
Eskola-saria duk ongi pagatuko!
