Andre Bretonen kaxketa
Larregi, J. Bernard
1
Entzun dut olioan goizeko xardina
Bi bozetan kantatzen liranja urdina.
Aratsean zoin motel, zoin ahul burdina!
Andre Bretonen hatsa etzena berdina?
2
Hatsa, hots, jalgi hadi, jalgi kaiolatik!
Hixtuka horra Breton irriz haize-petik.
Birabarkina dauka bihotzean xutik,
Xirribika auhenka ur-loren artetik!
3
Urean ez da urtu Bretonen arima!
Iguzkitara berriz zer debruk derama?
Agur, biderik gabe zabiltzan Madama!
Ilargia ditake, oi, zure goxama!
4
Erhautsa, noat hoa, aizea jeiki-ta?
Ehiza berduratzen pausa-leku keta?
Andre hemen, han Breton, hau zilibokata!
Burua hemen eta han nunbait kaxketa!