[Bere azken bertsuak]
Larramendy
1
Udako egun garbi batean ikus zagun iguzkia
Hari konpara ahal daiteke gure munduko bizia
Goizian flako zortzietako lurra berotzen hasia
Hameketarik biak arte du bero azkarren kolpia.
Handikan harat fikatuz doa arratseko itzalia.
2
Enire orai abiatu zait iguzkiaren Itzaldura
Ez arras ilhun zerratu bainan arrastiritako hura
Han edo hemen badut ardura nunbait zerbait arrangura
Urhats guti dut lehen bezala egiten ene gostura
Kontsolatzen niz iten duela goizik sortzeak mundura
3
Goizik sortzeko nuen ordena erran behaut gauza dena
Laugarren herrunkari ere ja kendua diot laurdena
Eta ez beiratua izana hainitz jendek dakitena
Aspaldian nork ez du intzuna Larramerrdy-ren izena
Zonbait koblare badut emanik lagundu nahiz zuzena
4
Zuzenaren laguntzeko nik ukan dut aski borondate
Jaun ertor batek hau erran zautan duela berrogoi urthe
Larramendy zuk libertimendu karrus ala Santibate
Guzietarat juan behar duzu galdegiten bazaituzte
Galdegin eta errafusatuz hoben gehiago zinduke.
5
Eman neraion errepostua serios behatuz begira
Jauna zu ganik atheratzeko solas hori zerbait bada
Bethidanikan aphezeria hor gibelatzen ari da
Zuk aldiz eni konseilatzia eskandala den tokira
Esplika zite Jauna hobeki finian mintzo bazira
6
Zinez mintzo naiz sinets nezazu gogoetak untsa inik
Zu ez juan eta ez dira egoin bilhatu gabe ordainik
Eta menturaz zer jaliko da ordain jinen dena gonik
Aldiz plazetan haur ainitz bada guzier beha dagonik
Eta zu juanez nehork ez dute entzunen behar ez denik.
7
Hitz horik eni sartu zaizkidan barna gogo bihotzetan
Geroztik luzaz erbili naiz galdegin hauten plazetan
Ahalaz chuchen mintzatuz bethi jalgi dutan solasetan
Zorigaitzez balinbazen norbait behar etzen urhatsetan
Hok chuchentzeko nik zonbait zirto eman uzan tut artetan
8
Zirtoak eman izan tut bainan makurrak nahiz chuchendu
Iduri baitzaut Jaunak hortako eman dautala talendu
Halare ene erranen gatik norbaitek herrarik balu
Bihotzetikan goldatzen deiet guzieri barkamendu
Denekin bake nahi bainuke hil eta zerurat heldu.
9
Jainkoak eman izan daut eni ainitz egun alegera
Askotan ni denen jostarazten oro irriz eni beha
Orai adinak eta ez untsak bainamate gain behera
Hedatzen delarikan berria juan naizela bestaldera
Jostaraz sari in dezatela enetzat othoitz bedera.
10
Utzi behartzen zautalarikan mundu huntako bizia
San Joseferi galdatzen diot hiltze hun-baten grazia
Othoi dagola erne ene zain aingeru begiralia
Ararteko galdatzen dut ere oi Andredena Maria
Ni Jaunak jujatzean hak othoi har dezan ene aldia.