Uztaritzen ohoretan
Lambert, Pierre Joseph
1
Bertsu batzu banuzke, hemen emaiteko
Eta bereziki jaun Ertoraindako
Berrogoi urte hotan gu konbertitzeko (berriz)
Egiten baitu segur berak indar asko.
2
Eyherabid'Domingo, Suhuskunekua
Hango mendi xokotan fedez azkartua
Uztariztarretarik hainitz maitatua (berriz)
Beti izanen duzu gure estimua.
3
Hiruetan hogoi ta hamabortz urte tu
Zutela Uztaritzen talde hau muntatu
Zonbat gazte geroztik da hortan jostatu (berriz )
Futbol, dantza, musikan ongi libertitu.
4
Milesker hainitz beraz, hemen guzieri
Bai buruzagi eta laguntzakoieri
Eta bizi luze bat agian bieri (berriz)
Jaun erretora eta batzoki huneri.