Libertatea
1
Orai bi mila urte ainitz erromano
Gerlan etorri ziren Euskal Herriraino
Kantabre azkar heiek zioten oraino
«Nahiago dugu hil sumetitu baino!»
Hitz hori ez da galdu orai arteraino.
2
- Munduko gaztelurik den ederrenean
Lausengu, jan-edan on guzien artean
Euskalduna ez dauke han bertzen menean
Nahiago du izan librotasunean
Mendiak berak egin etxola batean.
3
- Euskaldunak zertan du laxatzen gakoa
Haren libertatea dagon atekoa
Botu bat duenean zerutitakoa
Hartan obeditzen du umilki Jainkoa
Eta hartzen ordena bizi guzikoa.
4
- Euskaldun garbi batek ote dauka deusik
Libertatea bezain gauza seriosik
Ez, ez harentzat ez da deus bain baliosik
Zorion hortaz baizik ez baitu ametsik
Hori gabe ez luke bizitze urusik.
5
- Libertatea kenduz ote da gauzarik
Euskaldunen bihotza xarma dezakenik
Ez da lorerik eta ez da landarerik
Gernikako Arbola daiteke bakarrik
Arbola Saindu harek ez baitu parerik.
6
- Agur, Gernika, agur, Hiri masakratua,
Etsai batzuen nahiz madarikatua!
Zuk ixuri odola da bilakatua
Euskal Herri sinbolo ez sumetitua!
Bakezko bizitzea hor abiatua!