Ene lehen ikusi zena
Kusi Fidel
1
Uste gabean berri trixte bat egun zeraut arribatu
Ortzaizen dela lehen kusi bat mundu huntarik partitu
Fede handia ba zuen eta orantxe du baliatu
Ez da dudarik Jaunak duela zeruan gora altxatu.
2
Fedez handia eta gainera bestez konsideratua
Behar ordua kusiz geroztik, harek laster zerbitzua
Aspaldi huntan osagarriaz zabilan delikatua
Haren sofritze guziez orai izanen da pagatua.
3
Oino berriki igorri nion nere azken eskutitza
Erantzunaren beha nindagon, hura nuen esperantza
Bainan galdu dut berri emaile fidel eta baliosa
Haren galtziak ilundu deraut ahul daukatan biotza.
4
Hari eskerrak muntatua dut heien jendaki arbola
Ez bait nezaken deuse gisetan lan hori egin bestela
Orai horgatik familiari egiten dut nik apela
Nik egin lana amaren orde umek altxa dezatela.
5
Batzuen ama izan da eta bere lagunain esposa
Bien artean altxatu dute familia baliosa
Ama gaixoak bere umeri beti zabalik biotza
Halako bati denek zor dugu salbamenduko otoitza.
6
Dolumin handi, hunen jasaiten juntatzen niz familiari
Sabel berean egon haziak lotuak gire elgarri
Geroztik dire mundura sortu lau generazio berri
Denak fededun zintzoak eta ez lotsa beren lanari.
7
Orai galtze hau ezin ahal dut bizi huntan ahantziko
Sobera froga bilduak ditut aise hartaz oroitzeko
Jaunak ahala eman balezo nere galden entzuteko
Leku bat nere atxik dezala, harat joaiten naizeneko.
8
Otoitz kartsu bat bihotzez zuri, kusi Maria Terexa
Bizian izan fede handiak eman dezautzun laguntza
Jainko maitea, «zutan bakarrik» zuen harek esperantza
Saritzat orai zeru gainean emozu horgo babesa.
