Txoritxua
Kasal Otegi, Felipe
1
Txori txikiyak kantari
gustora oi dira ari,
Udaberrian pozak,
nonbait oyen biyotzak
alaiturik dira jarri,
naiz Neguan izan larri.
2
Ona danian etortzen
txarra zayote aztutzen;
gaxuak beren penak
gisa orretan denak
dituzte laister lajatzen
pipirripika kantatzen.
3
Oyen pipirripikuak,
oso dira eztitsuak
goizian goiz kanpuan,
txara edo basuan,
biligarro ta xoxuak
dituzte kanta gozuak.
4
Batzubek kabi prestatzen
bestiak jankai billatzen
sayatzen dira orla,
baņan ezdakit nola,
gaxuak dira moldatzen
beren umiak azitzen.
5
Azirik, aman atzetik
egatzen dute kabitik,
jankai billa laguntzen
dira amak ibiltzen,
ume maitian ondotik
erakustiaren gatik.
6
Amak beren ondotikan
ibiltzen dira pozikan,
naiz gero eskerrikan,
umiaren gandikan,
askorik ez izanikan
gaxuak pena baizikan.
7
Alda miņ aundiyagorik
ama batentzako danik
umiak azitzia
ta gabe gelditzia
denak galdurik; bakarrik
bete maitiak izanik?
8
Umiak billatu naiyan,
zoratutzeko zoriyan,
ibiltzen dira amak
igaroriyan lanak
sentirik biyotz erdiyan
iņola eziņ etsiyan.
|