Bertso berriak, jokoari jarriak

Kolome

 1

 Ezagutu ditut nik

 gizonen artian

 bizi izan diranak

 Jaunaren pakian;

 ordu txarrez sartuaz

 jokua etxian,

 indarra artu zuan

 guzien kaltian.

 2

 Galtzen gelditu bada

 jokuan asita,

 makur-makur dijoa

 atea itxitak

 ez da, ez geldituko

 beingoan etsita...

 berriz etorriko da

 etxia utzita.

 3

 Gau illun-illunean

 poz gabe etxera,

 lotarako asmoan

 sartu da oiera;,

 jira alde batera

 ta jira bestera

 zaldaliak egin ditu

 astuen antzera.

 4

 Jeikitzeko orduan

 oi-zokuan alper,

 aitzakiak sortuta

 lantegian piper;

 orrelako gizona

 dabil oso oker,

 ezagutuko dira

 bere miñak laxter.

 5

 Gabian lorik ezta

 gixatxarra jeiki,

 errita ta burruka

 ugari dabilki;

 edozer gauza gatik

 iskanbila jaki.

 orrekin bizi danak

 "xenper" zer dan daki.

 6

 Ernegatua dabil

 beria goguan,

 noiz asiko ote dan

 urrena jokuan;

 lortuko omen ditu

 galduak lenguan,

 etxeratuaz danak

 poz-pozik kolkuan.

 7

 Lagun artera juan-ta

 jokuan gelditu

 bere zillar-diruak

 ez dira ugaritu;

 an zer gertatu zaion

 iñor ez arritu:

 etxeko «sos» pizarrak,

 danak galdu ditu.

 8

 Jokalari gaiztoak

 ¡oiek lanbideak!

 saldu ta galdu ditu

 ukulluko idiak,

 baita ta arto ta txerri

 txekor ta ardiak...

 ¡Gizon orren etxeak

 jo ditu goi biak!

 9

 Jokalarien aurrak

 danak oñ-utsikan

 txapel zarren zulotik

 illiak zutikan,

 atorra zintzilizka

 galtz-ipurditikan,

 muki zuri guriak

 ezpaiñ-gañetikane

 10

 Oien sukalde zarrak

 izketan baleki,

 esango luke noski

 egia galanki:

 premiak edari ta

 bear-ezak jaki,

 nola bizi diraden

 Jangoikoak daki.

 11

 Bide txarrez darama

 txitoa miruak...

 arren antza badute

 jokoko diruak;

 beti ez dira izaten

 berdiñak giruak...

 mirua galduko du

 morbaiten tiruak.

 12

 Irabazi dutenak

 lanik egiñ gabe,

 lasai-lasai ta errez

 biziko dirade;

 etxian badituzte

 bostenbat mirabe...

 zerbaiterako dira

 diru-pillen jabe.

 13

 Gizona agertzenda

 garbi eta apaña;

 jantzi-berriak dauzka

 barren eta gaña;

 jaten omen du berriz

 beste iruk aña...

 orregatikan dago

 lerden ta bikaña.

 14

 Etxeko atso zimur

 dollor ta bilabak

 nol'apaindu ez daki

 seme ta alabak;

 orretan daramazki

 egun eta gabak,

 atera baidituzte

 eltzetikan babak.

 15

 Maian exerita

 ez dira alperrak,

 egiten dituzteta

 bazkari ederrak;

 izoki ta txitxardin,

 ollo ta eperrak,

 edari txuri, gorri

 ta mutur okerrak.

 16

 Illun da goibel dago,

 badator arria,

 etxe ortan sartu da

 ixtillu gorria:

 eztarriak eztula

 ta zotin larria...

 urak eraman die

 urak ekarria.

 17

 Txorakeriz beteta

 buruan aizeak,

 danak bizi dirade

 lanari utziak;

 ederki ustu dira

 sukaldek'ontziak

 aitak galdu bai ditu

 ontasun guziak.

 18

 Illun-illuna goia,

 luzabala bian,

 etxea utsa eta

 ezer ez abian,

 Dirua jarri baliz,

 Aurrezkitegian

 orain bizikoziran

 patxada obian.

 19

 Gizon jokaria

 etxian duanak,

 noiz-nai izango ditu

 bear eta lanak;

 txoro ta ergelari

 dagozkio danak;

 ongi begira beza

 "galtza"-zale danak.

 20

 Jokuak beti ditu

 galdu-irabaziak,

 eta askotan berriz

 burruka t'auziak;

 etxe kaltegarri ta

 diruzko guziak,

 egon bear luteke

 oso galaziak.

 KANTUA

 Enpleatzen ez bada

 Gazte dala neska

 Pasa biarko ditu

 Makiñabat keska;

 Burutik zoraturik

 Senar gairik ez ta,

 ¡Orra azkenerako

 Neska zarren festa!