¡Guazen mutillak!

Kasal Otegi, Felipe

 Guazen anai maitiak

 Gernika aldera,

 Argal dagon Arbola

 Mardul araztera;

 Guazen ariñ makillak

 Menditik artzera,

 Eta etsai guztiyak

 Berari kentzera.

 Errukarriya dago

 Aspaldi onetan,

 Ostoz ezin jantzirik

 Bere adarretan;

 Indar guztiyak galtzen

 Asi da zañetan,

 Bañan euskal semeak

 ¡Ez etsi! oraindikan.

 Lengo libertadiak

 Ziraden jarriyak,

 Gure aiton maitiak

 Ondo irabaziyak;

 Orain lurreratuak

 Dauzka charkeriyak,

 Ta ez ditu alchako

 Itzontzikeriyak.

 ¡Gogor! ¡gogor! mutillak

 Gogor etsayari,

 Len giñuzen legiak

 Eman arte guri;

 Alegiñ egiyogun

 Arbol gureari,

 Igarturik betiko

 Ez dediñ erori.