Chorichuak

Kasal Otegi, Felipe

 Chori chikiyak kantari

 Gustora oi dira ari,

 Uda berriyan pozak,

 Nonbait oyen biyotzak

 Alaiturik dira jarri,

 Naiz neguan izan larri.

 Oyen pipirripikoak,

 Oso dira eztitsuak;

 Goizian goic kanpoan,

 Chara edo basuan,

 Biligarro ta sosuak

 Dituzte kanta gozuak.

 Batzubek kabi prestatzen

 Bestiak jankai billatzen

 Sayatzen dira orla,

 Bañan ezdakit nola,

 Gasuak diran moldatzen

 Beren umiak azitzen.

 Azirik, aman atzetik

 Egatzen dute kabitik,

 Jankai billa laguntzen

 Dira amak ibiltzen,

 Ume maitian ondotik

 Erakustiaren gatik.

 Ona danian etortzen

 Charra zayote aztutzen;

 Gasuak beren penak

 Gisa orretan denak

 Dituzte laister lajatzen

 Pipirripika kantatzen.

 Amak beren ondotikan

 Ibiltzen dira pozikan,

 Naiz gero eskerrikan,

 Umiaren gandikan,

 Askorik ez izanikan

 Gasuak pena baizikan.

 Alda miñ aundiyagorik

 Ama batentzako danik

 Umiak azitzia

 Ta gabe gelditzia

 Denak galdurik, bakarrik

 Bere maitiak izanik?

 Umiak billatu naiyan,

 Zoratutzeko zoriyan,

 Ibiltzen dira amak

 Igarorikan lanak

 Sentirik biyotz erdiyan

 Iñola eziñ etsiyan.