Ama bat bere aurrarekin. (Amalauduna)

Kasal Otaegi, Felipe

 Ama bat dago sukaldechuan aurchuarekin

 Seaskachua jarriya dauka aldamenean,

 Zoraturikan arkitutzenda berearekin

 Musu emanaz estuturikan bular gañean,

 Bularra eraten aurchuaarida alegiñean

 Begiratuaz ama onari onitasunakin,

 Eta utzirik bular muturra ezpainchuakin

 Esaten diyo:-¿aitacho ñuña, ama? ¿lanean?...-

 Malkoz betetzen zaizka amari bere begiyak

 Laztan gozo bat emanaz bere aur maiteari,

 Begietatik chanpon añako malko aundiyak

 Erortzen zaizka oroiturikan gaiso onari,

 Esanaz, erregu egiyegun biyotzez biyak

 Bere onduan iduki ezan Jaungoikoari.