"Korrika"
1
Nafarroatik etorri zaiku iparralderat Korrika
Bazter guziak harrotu ditu dena kantu ta musika
Euskal-mintzaira gurea dela denek dugun errepika
Beti euskaraz mintza ditela baserria ta karrika.
2
Muga-zubian burua gora lehen lehena zen Xanpun
Bertsulariak euskal-lanetan ardura dira xapeldun
Hure bezala Euskadin barna baginen milaka lagun
Denak lasterka ibiltzekoak agertu nahiz euskaldun.
3
Obra ederrak, beharrezkoak horra gure ikastolak
Fruituak nasai biltzea gatik landatu diren arbolak
Herriak otoi lagun ditzala herrian sortu eskolak
Hortarat gaitu guziak deitzen gure euskaldun odolak.
4
Gau-eskolekin abiatu da sail bat guziz baliosa
Denek euskara ikas dezaten hauxe da lan seriosa
Segi aurrera adixkideak gure bihotzak derasa
Loren'artean euskara dela paregabeko arrosa.
5
Korrika-Bia lagundu nahiz Donibanen zen Oskorri
Haurridetarat kartsuki baita hego-aldetik etorri
Kantuak dauzka argi-argiak lotsakorrentzat sokorri
Hiru kolore ditu maitenak: perde, xuri eta gorri.
6
Ibilaldi bau ezin ditake Euskal-Herrian azkena
Iraupenekin borrokatzea hori dugu segurrena
Mundu guziak jakin dezala non dagon lege xuxena
Euskaldunentzat euskara dela ontasunetan lehena.