Kantu berri batzuek
1
Kantu burni batzuek noa kantatzera,
Disimularik gabe klarki mintzatzera:
Suieta ez dut nahi utzi pasatzera
Denek jakin dezaten zertaz den afera.
2
Mila zortzi ehun-ta- berroi-ta-hamarraz.
Orhoitzeko parada izanen dut arras:
Lo tuntik egin gabe erdietan gabaz,
Bethi pentsamendutan hasi nuen lanaz.
3
Amodiotan nintzen presuna batekin;
Hitzemanak ere bai, biak elgarrekin.
Zoazte fidatzera oraiko gaztekin
ĞEzağ deklaratu daut mila eskusekin!
4
Nola zaizkon ahantzi promes eta fede
Maiteak halarikan ez daut segur gorde.
Adichkide batzuek ez nituen alde.
Bego afera hortan: nor diren ez galde.
5
Nere kontrartuak badakit nor diren:
Gauzaren gibelatzen behin hasi ziren,
Luzatzearen bortchaz nuela utziren,
Neska eni erranez zela doluturen.
6
Neskatcha gazte harek in du etsamina,
Disimulatu nahiz bere huts-egina;
Soberache zaiola nik dutan adina;
Kasu huntan segurik arrazoin arina!
7
Hastetik bazakien adinaren berri,
Zeren deklaraturik baikinen elgarri:
Bi mila otchin dote aipaturik niri,
Guzietan konforme ongi ginen jarri.
8
Zertako du hitzeman, erranez oraino
Nehun etzela urus enekilan baino?
Etzaio ahantziren segur hil artino,
Desohoratu dela hitza jateraino!
9
Hoita-hamabi urte aurthen tut betheak:
Zahartzekotan guti hotako urtheak...
Arimak joaiten dire orainik gazteak
Lunez ere estaltzen ez hala usteak.
