Ez gal gure odol beroa
J.P.C
Errepika
Ez gal gure odol beroa
Bizi dadin gure gazteria:
1
Garazi-Baigorriko gazteri ederra.
Gazte sanoak dira, beti alegera.
Alemaniarat joan, Frantzian behera
Aleman anaieri, agur erraitera.
2
Ebanjelioak dio, behar da maitatu,
Gaixtoak girelakotz, ez elgar suntsitu.
Gaizkiak ahantzirik elgarri barkatu,
Egiazki maitatuz, bihotzak berritu.
3
Gerla izan da beti, oi gauza tristea,
Erresumen artean, suerte dorpea.
Jende gaixoa dute, tiroka ibili
Eskualduna frango da, hemen bai itzali.
4
14-eko gerla gerla itsusia
Ainitzen aitatxiek ezin iretsia
Etxetik urrun eta, ezin ihesia
Bizi nahi zuten ta, ez union hiltzia.
5
Zonbaiten aitak ere, harmak bizkarrean
Ibili dira hemen, mendi oihanetan
Triste egon dirade, penak bihotzetan
Emazte eta haurrak, utzirik etxean.
6
Gazte maiteak entzun, gaur ene galdea
Eskual herria dugu, amodioz gosea.
Gizonak egin mugak guk xeka kentzea,
Samurgoak utzi'ta, ezarri bakea.