Hegoaren kantua
J.N.
1
- Neskatxa, ez duzuia entzuten
Kantuz heldu aizea?
- Ba segur, hegoaren kantua,
goxo zait aditzea.
- Neskatxa, ez zira haren beldur?
Hegoa ohoina da:
Papotik berdin kenduko dautzu
Dakizun begi beltx harek barda
eman lore pollita!
- Hegoak ez nau izitzen tunik:
hor dut lore pottita,
bihotzari josia...
Hegoa pasatuko,
Bainan ez daut kenduko!
2
- Neskatxa, ez duzuia entzuten
borthitz heldu aizea?
- Bai, eiki, hegoaren orroa
aise da aditzea!
- Neskatxa, ez zira haren beldur?
Hegoa ohoina da:
Bisaia berdin histuko dautzu,
Fundituz musu gaitz batez, dena,
zure gaztetasuna.
- Hegoak ez nau izitzen tuntik:
hor dut gaztetasuna,
bihotzari josia...
Hegoa pasatuko,
Bainan ez daut kenduko.
3
- Neskatxa, ez duzuia entzuten
Hixtuz heldu aizea?
- Bai hixtuz hegoak du huiatzen
itsaso-hasarrea!
- Neskatxa, ez zira haren beldur?
Hegoa ohoina da:
Arima zola-zolatik berdin
Hartuko dautzu, oso-osoa,
zure amodioa!
- Hegoak ez nau izitzen tuntik!
hor dut amodioa,
bihotzari josia...
Hegoa pasatuko,
Bainan ez daut kenduko!