Maiatzeko zeruan

J.H.

 1

 Maiatzeko zeruan, xiruli-xiruli,

 Maiatzeko zeruan, zonbat kantu berri,

 zonbat mila xori!

 Denak bet-betan mintza balite

 eta erran balezate,

 zer duten ikusten

 arbolen gainetik,

 sasien artetik; '

 zer duten entzuten

 baratte-zolatik,

 erreka-hegitik...

 O bai, erran balezate

 zonbat-zonbat amodio sortzen

 ikusi dituzten,

 Egon gintazke harriturik,

 Bihotz-gogoak xoraturik.

 2

 Maiatzeko zeruan, xiruli-xiruli,

 Maiatzeko, zeruan, zonbat kantu berri,

 zonbat mila xori!

 Denak bet-betan mintza balite

 eta sala balezazte

 hainbertze zorion:

 bai nigar xukatu,

 bai irri argitu;

 hainbertze elhe on;

 zin eta segretu,

 promes eta musu,....

 O bai sala balezate

 zonbat-zonbat amodio sortzen

 ikusi dituzten,

 Egon gintazke horriturik,

 Bihotz-gogoak xoraturik.

 Bururatzeko

 Bainan xoriak, denen gatik,

 Behin ez daude salaturik

 Deus holako segreturik...