Kennedy-ren heriotzea
J.H.
1
Pena handitan mintzatzen nauzu Kennedy Presidentari,
Holakorikan gertha zaikela ez baitzizaukun iduri.
Chuchen hedatzen entreminatuz zinez mundu guziari,
Kriminel gachtok horrengatikan ez zezaketen ameti!
2
Gizon haundia gisa guziez: haundizki eskolatua,
Izpiirituz ala berthutez, dohainez aberastua.
Horren gatikan egiten zuen lan negurri gabekoa
Herrian ala herriz kanpoah errespetu haundikoa.
3
Halarik ere gaichtagin tzarrak nola zaizkion oldartu
Bertze gisetan ezin bentzu ta tiroka dute kolpatu;
Balentriosa izan zitaiken gero balitz eskapatu;
Teatro batian polizak baitu bere saretarat bildu.
4
Oraino ere gisa berean dira aintzina joktzen:
Gizon hiltzalia kriminel batek baitu tiroka botatzen,
Afera hortan akaba zadin baitzuten hola pentsatzen;
Bainan ez dute arrazoinekin bertzek holache jujatzen.
5
Ez dakit nola pasatuko den: lanjerra bada munduan:
Bizitzerikan ez da segurki behar litaiken gostuan;
Herrazko lanak bethi borchatzen berek nahuten lekuan:
Mundua fite fini litaike holako hoien eskuan!
6
Kantuz penetan hasi naiz eta trichterik nuzu gelditzen:
Zuzentasunik mundu zabalian nehon ez baitut ikusten!
Jainko Jaunari bihotzetikan grazia diot galdatzen,
Luzatu gabe othoi has dadin makur guzien chuchentzen.