Armendaritzen Gaindi
J.E.
Duela zombeit egun nindolean piaian
Armendaritzen gaindi gerthatu bidian
Herri pollita zela zioten bertsutan...
Hala da: koblariak chuchen dio hortan.
1
Fama ona zaukala bainuen aditu
Nihaurrek frogatzeko nintzen abiatu.
Jende plachenta segur zauku iduritu
Ezen gaituzte oi zoin ongi karasatu.
2
Menditan barna gira sarthu Armendaitzen
Plazan delarik gero otoa gelditzen,
Hilharritan, Elizan dut Jauna othoitzten,
Hiribeheren gaindi bidea segitzen.
3
Hiribehera utzi nahi dugunian
Ene laguna dago ezin sinhetsian:
Lehen zangoak bustiz pasatzen urian
Zubi eder bat orai uraren gainian.
4
Handik gira bihurtzen Bordeteri buruz.
"Hemen gituk gu izan gazte eta urus",
Dio ene lagunak bater'ez urguluz
Bordetari so eta bihotzetik oihuz.
5
Borderriari agur et'aintzina goazen
Elhina aldeari gira abiatzen
Hango patar luzeak ez gaitu lotsatzen,
Elhina goradanik dugu trebeskatzen.
6
Mendichka gain hartarik, oi, zer zoriona
Ederki da ageri Armendaritz dena
Burgochilo, Charpota, Mendita, Basaite,
Plaza, Hiribehere bai eta Bordeta.
7
"Armendaritze aldiz Eskualdun perla"
chturitztarak zion egia ez burla.
Hentze, landa, mahastiz bethea dagola;
Herririk pollitena, segur hala dela.
8
alarribord'alderat gira atheratu
Hinez ordukotz ginen ongi egarritu
Mahasti eile batzu ditugu kausitu
Heien arno gozoaz gira baliatu.
9
Elhina gora hortan zinez gocho baitzen
Gazte demboraz zautan laguna orhoitzen
Berriz hasia nuen askitto hangotzen
Bainan gu ez hangoak: orai jauts gaitezen,
10
Dembora beraz zauku oi laster ttipitu
Iguzki ederrari indarrak eztitu
Patarreri behera ginen abiatu
Patar erditan aldiz Oyhanburian sarthu.
11
Azkenekotz girare heltzen plaz'ondora
Laster behar dugula itzali herrira
Orduan gira sartzen beribil batera
Bortchaz baigaitu harek gu handik athera.
12
Agur eta esker on Armendaritzeri
Eta partikulazki gur'adichkideri
Alegrantziaz dugu bihotza igeri
Berriz egitekotan bai itzuli hori.