Eskualdun batek Kaliforniatik
J.C.A.
1
Orai berriki irakurtu dut Herria Eskualdun kazetan
Bi eskualdun diskusionez elgarri urrun danikan
Gore mintzaira sanjatzen ari dela leheno danikan
Izkiriatzen ere dugula, hitz zonbait berriturikan.
2
Estimatzen dut bi jaun horien oraiko diskusionia
Arrazoin horren jujatzeko ez naiz aski kapablia
Bainan horgatik eman nahi dut neure opinionia
Hobe dugula gizon jakintsun horier galdegitia.
3
Konpreni dezaun nonbait badela Eskuaran falta haundia
Herri batetik eta bertzera badugu diferentzia
Ainitz aldiz gertatzen dena, neke da konprenitzia
Abantail laike gisa batera, Eskuara oro ezartzia.
4
Lan hori utzi behar ginuke gizon inparzialetan
Denborarikan galdu gabe ar diten lan horietan
Erakuspenak zabal ditzaten, Eskualdun guzietan
Ontsa finkatu arteraino gure buruko muinetan.
5
Eskualdunak mintzo gaituzu urrun Eskual herritik
Guk ere odol bera baitugu, ait-amek emana sortzetik
Nahiz beharrak manaturik urrunduak gira hortik
Odol hau bera gure zainetan joanen gira mundutik.
6
Eskualdunak oro batian segi dezagun aurrera
Behar bezala arraņatzeko desberdin dugun mintzaira
Liburu eta erakuspenak heda ditzagun hortara
Norbeit bederen entsega bedi, berandu gabe sobera.
7
Jendeak ez du munduan behar beretzat bizi bakarrik
Nahi badugu bertzetarikan izan nehon estimurik
Gore mintzaira zuzen ezarriz ez laike onduan dolurik
Konprenitzeko batak bertzia, abantail luke segurik.
8
Lehenago ere ezarria dut, bertze bertsu batzuetan
Eskual herriak hurbil bainan, diferente mintzairetan
Serioski hor lotzen bagira gure hitz eta obretan
Ez da dudarik eman ginio gure mintzaira odretan.
9
Odre onetan emanez geroz gure mintzaira Eskuara
Emeki emeki junta gindaizke, Eskualdunak elgarretara
Ideia hori gogoan hartuz entsega gaiten hortara
Orok batian altxa dezagun gora Eskualdun bandera.
10
Ofentsatuek barka dezazue, eta ez ahalaz gaitzi
Ez bainiz segur xede hortako bertsu hon emaiten hasi
Ainitzak hemen hutsian girela behar ginuke sinetsi
Gore mintzaira berdin ta zuzen, nahi nuke nik ikusi.
11
Adios beraz adixkidiak nahi ziuztet despeditu
Batto Buffalon, bertzia Baionan, urrun gatikan gertatu
Diskusionia segi dezazien, ez dut nahi debekatu
Bainan Eskuara bat egitera, gaiten oro entsegatu.