Bas-herriko manera
J.A.
1
Bas-herrietan lenago bazen oraiko jenden doblia
Oraino berriz bertze gisetan dago gaurko itzulia
Hirirat oro doatzi ustez kausi bizi bat hobia
Bainan ez dute nehoiz ukanen estakururik gabia.
2
Neskatxak dira hirirateko ene ustez aintzinean
Laster ezkontzen dirade berdin, sartu. aintzin adinean
Mutiko ile luzeak nahi basa-urdien heinean
Galtza urdinak izanik ere jauntto horien soinean.
3
Zertako beraz Eskual-herritik doatzi hola ihesi
Etxean sortu miga gazteak etxen behar luke hezi
Hiriko ate guziak zabal eta etxekoak hetsi
Bizia eman daukun lekuak ez luke hori merezi.
4
Mutiko frango bazen etxetan zutenak plantatu gogo
Neskak galdegin laborantxako ta hek hirian naiago
Ukan balute Eskual-herriaz amodio gehiago
Ez zen entzunen gelditzen egun hemen hoinbeste donado.
5
Ene beharriz entzun dutana aipatzea dut zilegi
Duela zonbait egun hiritar batek erranak loi egi
Maleruski han ortziraleak baitituzte arduregi
Sortu etxerat itzul laizkela ez balute berantegi.
6
Harek errana ene gogotik ezin diotana utzi
Bere xangrina nolakoa den osoki du erakutsi
Bizia uros pasa ustean berak duela errautsi.
Erran ditake zerurat nahiz linboetarat da jautsi.
7
Neska gazteak, hiriko molder daukazue esperantxa
Iduri eta aisetasunak emaiten duela xantza
Nabi duenak hartu gostuan aise uzten laborantza
Gisa horretan bizi direnak badauka gaitzeko mantxa.
8
Dudarik gabe kanpaņan baino hirietan baita hobe
Etxekandere Eskual-herrian sartzia dute herabe
Kontseilu on bat eman nahi dut geldituz arrazoin jabe
Bas-herriak ez horrela kite hutsak konpletatu gabe.
9
Ezin errana denentzat toki badela Eskual-herrian
Hamar haurride ez baititazke arraņa etxe berian
Bainan guziak gogoz hartuta eman daizke agerian
Eskualdun haurrek ez bezate utz beren lurra miserian.
10
Pertsu haukien aditzaileak berak aise dira osa
Arrossagaray oraino ere nola dagoken karlosa
Bainan halare more onez betitik nago urosa
Laborarisa izanen baita bilduko dutan esposa.