Arrangura bat
1
Iragan egun batez ostatuan dut jan
bertze bortz gizonekin, bi apez heietan
etxeko andereak egina men lan
eltzekari gotorra ilar asko inthan.
2
Ostatuan sartuta, zoinek gure alki
hartu dugu edozoin, nun zen ere toki
hiru argal aldean jarri, zoin goxoki
pleatzeaz griņatzen mimenak ez daki.
3
Bazkari ona gatik badut arrangura
tarroa dautalakotz gerriko ingura
gose bainan ezin jan aitzineko hura
bi estoken artean gorri beltz itxura.
4
Gure lerro zabalak bazuen itzala
aldizka hatsa hartuz ahal zen bezala,
betan ezin apaldu, nola daike alha
hola nai duzu janak on egin dezala?
5
Ganderailuz taloak nasaiki partitu,
argal hoiek zutenian krixton apetitu
ez dira berehala jatetik gelditu
dupina hustu arte ez dette etsitu.
6
Molde hortan bermatuz, laster ohargarri
mehatuko girela, nor laiteke harri.
Argal horier aldiz so egizu sarri
hean alki beretan diren aise jarri.
7
Pertsu hauk eman ditut daiten urrikaldu
ingurua duenak gosea ere du
untzi ttipiegian ainitz sartzia galdu
eltzea gaindi aintzin eman edo saldu.