Chorikumeak
Juan Jose
Kabi chokoan chorikumeak
chiuka daude amari,
baņa alperrik zergatik ama
iņundik ez dan agiri;
urruti gabe aita an dabill
adarrik adar kantari
ume gasoen erruki gabe
begira eguzkiari.
Bere mokoan jana arturik
ama danean etortzen,
erdi lo dauden makalak ere
aguro dira esnatzen,
batek nai eta besteak-bear
guziak dira sayatzen
lepoa luze-luze egiņik
mokoa dute zabaltzen.
Ondo lumatu baņo lenago
asten dira irten nairik
beste geyago nola dabiltzen
inguruan ikusirik;
aldameneko adar batera
erortzen da bat kabitik
besteak ere laister dijoaz
ondoren bere atzetik.
Lumak arrotu ta otzak dar-dar
kabitik irtendakoan
gelditzen diran tokian daude
aei eziņik egoan;
Ama leyala ayentzat dabill
chichare billa soroan
aundi samarrik billatzen badu
jan gabe dakar mokoan.
