Aberik ez ta aberik bai
Juan de la Cruz, (San)
Egille beraren «Glosa»
Aberik ez ta aberik bai,
argi barik, illunetan,
banoa urtuz benetan.
Nire gogoak ez dau nai
izakitan zorionik.
eta neurez gain igonik,
bizi gozoena dot, bai,
Jainkoa soil dodala abe.
Ortik igarriko dabe
zer dodan naien nik orai,
neure burua ikustean
aberik ez ta aberik bai.
Illunez joatan arren
emengo bizi ilkorra,
ez jat ori ain nekorra,
argirik ez dodan arren
zeru-bizia dodala.
Maitasunak orixe dau:
itsuago dozunetan
azpirago zaukazala
argi barik ta illunetan.
Au maitasunaren lana!
Bein ezagutu badozu,
ona dala, txarra dala,
dana gozo eiten deutsu
eta zeu bera lakotu.
Alan, aren gar eztietan,
ni joten naben onetan,
arin, pitsik itxi barik,
banoa urtuz benetan.
|