Maite-sugar bizi
Juan de la Cruz, (San)
Maite-sugar bizi (A)
Animaren kantak, Jaikoarekin maitez bat-egite aldiko gozoan
Nere barne-muņetan
samurki zauri nuzun
maite-sugar bizi leuna!
ter-ter jo nuzu eta
urra, ala nai izanez,
elkartze gozo onen euna!
Oi errealdi mee!
zauri ezti bai ezti!
eskugain legun, ikutu samur,
zeru-zantzu duena!
Zorrak oro ordainduz,
eriotza bizi didazu biur!
Oi suzko argi-mutil,
zuen diztiraetan
zentzu-leze sakon illunak,
ipi-apa bitxitan,
argi ta bero dauzka
arrigarri ondoan Lagunak!
Kolko ontan soillik
ixilpe zagozan orrek
maiteki, emaro, daragidazu,
t'arnas egiņik gozaro
onez gaņezka, eztitan,
mamiki maitemintzen bainazu!
***
Maite-sugar bizi (B)
Nere animaren - muinik barrenean
xauritzen nuzun - maite-sugar bizi!
zuzen io bainazu, - erre nazazu bein!
urra, oldar ontan, - bizi-onen mintza!
Oi erretze guri! - zauritze kutun,
eskugain legun! - ukitu mehe!
zor oro berdinduz - zeru-usai baitu
erioz bizia emaiten - didazu!
Oi su-argi-ontzi, - argiz ta beroz
zentzuen leize - beltz ilunenak
eder eta garai, - argitzen baititu
Maitearekin!
Bakarrik baitzaude - nere galtzarrean,
emeki, maitaro - iratzarten nuzu.
Ta Zure arnas - zerutar orrek
igurtzi naunean, - zeiņen goxoki
maitemintzen nuzun!