Amodio hori
Jazko
1
Bertsu berriak nahi nintuzke hementxe orai kantatu
Erraitekotan izar pollit bat dudala zinez maitatu
Gorputza eder begiak erne eta mihia ez mutu
Xarmantagorik orainokoan ez nuen nihun aurkitu.
2
Amodioa zoin den beroa orduan nuen senditu
Haren itxura nere gogoan orduan baitzen kokatu
Gau eta egun ni baitan dago ezin dezaket kasatu
Bizkitartean badakit ongi behar dutala mugitu.
3
Maitasun hori ez da garbia, izaitekotz kaltekorra
Nere maiteak ez nu ni maite, beste bat badu segurra
Zer eginen dut, zer eginen du: hortan da gure makurra:
Hori ikusiz eta sendituz begietan dut nigarra.
4
Nere maiteak ez nu ikusten ez-eta ere aditzen
Bere etxean urusik dago, ez duke iñoiz asmatzen
Mutiko batek hari duela egun guziez pentsatzen;
Balaki ere erran lezake ari naizela errotzen!
5
Horiek hola egia hor da, behar nuzue ulertu
Ixil-ixila begiak hetsiz behar duta nik segitu?
Sofrikario ezin jasana nola dezaket tapatu?
Egia erran, iduritzen zait hobe dudala mintzatu!
6
Iluntze batez nere maitea nolazpait nuen kausitu
Etxe barnean bakarrik zagon dena irri eta kantu
Ni ikustean erran behar dut apur bat zela izitu
Bainan abilki laster ninduen kanpo beltzerat haizatu!