Emahuseko bi lagunak Bazko igande aratsean
Jakes
1
Biga ziren tristerik, Emahuserat ari...
Hirugarren lagun bat juntatu zen heieri:
Bideak nekatuak zuten denek iduri,
Hitzik gabe ibilki, arpegia urduri.
3
Azkenik ethorriak galde egin diote:
-«Zer gertatu zaitzue, izaiteko hain triste?»
Kleofasek: «Zuk salbu, guziek badakite:
Doluz dago Judea eta Jerusaleme»
4
- Denak doluz diozu? Zertako dolu hori?»
- «Jesus profeta dute gurutzean ezarri
Eta hil herenegun Bazko bezpera-kari:
Uste ginuen bada nausi zela deneri!»
5
«Egun, hala da, berri espantagarriena
Emazteki batzuek deraukute emana
Jesusen hil-hobia hutsa dela den-dena.
Piztu ere ba dela, aingeruek errana...»
6
- «Bainan, ametsak amets, ez dezakegu sinets:
Emazteki-gogoa irakitean markets...
Gu etxera goatzi, bihotz huts, aho kirets...
Jesus Jauna bila da, amets guziak amets...»
7
Arrotzak hor zioten orduan ihardetsi:
-«Gaizo itsu, uzkurrak, zertako ez sinetsi
Profetek aintzinetik dutena erakatsi:
Kristok behar zuela huez jalgi nagusi?.»
8
Eta Liburu Saindu gehienak kurrituz,
Arrotzak, mendez-mende aginduak argituz,
Erakutsi zioten errana zela, Jesus
Ez zela nausituko baizik-eta sofrituz...
9
Arrotza mintza arau, bi gizonen gogoa
Argi berezi batez izarniatuz doa...
Biotzetan hedatuz graziaren beroa...
Oi mintzo saindu haren gozoaren gozoa!
10
-Arrotza, Emahusen orai sartuak gira.
Zato, zato gurekin afari egitera.
Zurekin ilunbeak argaltzen ari dira...
Oraino arlot gaude, zaude gure begira...
Afaltzean arrotzak ogia zuen hautsi
Eta benedikatu: hartan zen itsabasi...
Bi lagunek pentsatu berehala Jesusi,
Eta piztua zela duda gabe sinetsi...