Jean Barbier
1
Lauda dezagun alegrantzian Barbier apez garaztarra,
Aurten mende bat, herd hunetan sortu zitzaikun izarra
Arrabots gabe ereman baitu bizi balios ederra,
Egun zuzen da ordain dezagun merezi zuen eskerra.
2
Ah! zein maiteki ospatzen zuen bere haurreko Garazi!
Bertsutan usu bazter hauk oro ditu polliki goretsi!
Herri guziak haren obretan ohoraturik dagotzi,
Antxitxarburu bere jendekin ez baitu ere ahantzi.
3
Euskal-etxeko bizi-modua bihotz horrentzat zain goxo!
Hunkigarriki pintatu dauku, on eta ezti, amaxo;
Supazterrean irri karkailaz ait'et'ama eta haurtxo,
Oro entzuten zagotzilarik kontu kontari aitaxo.
4
Aitaxok erran kontu zaharrak, Barbiek, ahantz ez ditezen,
Gazte danikan artos-artoski izkribuz hartu zituen:
Eta geroztik arizan zaikun laminen gauzen kondatzen,
Bai eta bertze ixtorioxka harrigarrien berritzen.
5
Kondaira bitxi batzuetarik komediak jalgi ditu
Ez zen orduan euskal teatro izpika bat baizik sortu.
Jostagarriak eta errexak nahi zituen moldatu:
«Irria luze, nigarra labur», zuen lelotzat hautatu.
6
Euskal-herriko ohidueri gain-gainetik atxikia,
Bi liburutan nobela gisa gai hoi zuen edukia.
Piarres delako lan gotor hortan zaiku xeheki jalgia
Zer zen bakean, eta zer gerlan, laborarien bizia.
7
Barbier musikan entzuna baitzen, ibili zen kantu-keta;
Euskal kantore moltxo eder bat orotarik bildu-eta,
«Gure herria» aldizkarian, guziak, hitz eta nota,
Argitaratu zauzkun ximenki, aintzina ditezen kanta.
8
Bera koblari izaki-eta, egin ditu hainitz bertsu;
Bainan ez ahantz apeza zela, dena otoitz, kar eta su;
Elizakotzat egin zituen lau-hogoi bat kantu kartsu,
Arimen ganik Jainkoa ganat igan ditezen amultsu.
9
Barbier izan da Baxenabarren izar handienetarik:
Harek bezanbat nehork ez baitu egiri euskal libururik.
Lagunt gaitzala euskara zaintzen bizi den zeruetarik.
Bai gora Barbier, gora Garazi, gora Euskadi osorik!