Jaun erretor berriari

 1

 Hogoigarren mende hau bururat heltzean

 Apez gai guti baitu Jaunak baratzean

 Alegrantzia sortzen zauku bihotzean

 Jaun erretor berria errezebitzean

 2

 Bardotzetik egina duzu aldakuntza

 Hangotua zinela badakigu untsa

 Bainan, artzain maitea, ez zaitela lotsa

 Ekarriko dautzugu, guk ere, laguntza

 3

 Gure xoko berean jin zinen mundura

 Orduko auzo bera hor dugu Baigura

 Iduri otoitzean, hurbilduz zerura

 Jainkoaren graziez gaitezen ingura

 4

 Girixtino guziek amets beta dugu

 Penitentzia bera egina baitugu

 Donoztiriko jendek merezi badugu

 Luzaz egon zaitezen gu denen sustengu